AMEER Emergency Cash Program
اَمیر ایمرجنسی کیش پروگرام (باسط علی) جناب وزیرِاعظم پاکستان عزت ماب عمران خان صاحب نے کووڈ۱۹ سے متاثرہ اُمراء کے لئے امیر ایمر جنسی کیش پروگرام کے تحت ۲۹ ارب روپے کی کثیر رقم ملک کے اُمراء ،جاگیرداروں،وڈیروں اور کاروباری شخصیات کے مابین بڑی شایانِ شان سے تقسیم کی ۔ ویسے ضرورت مند حضرات یہی ہیں ، انہی کی بدولت وزیراعظم صاحب اور اِن کے رفقاء کار آج مسند اقتدار پہ براجمان ہیں۔ اور امراء کا طبقہ ملک کا لاڈلہ طبقہ ہوتا ہے، ان کے گھر کے عیش و عشرت کے اخراجات بھی زیادہ ہوتے ہیں۔ ان ہی کی بدولت غریب عوام ان کے منظورِ نظر سیاست دانوں کو انتخابات میں ووٹ دے کر کامیاب کرتے ہیں۔ غریب عوام کا ویسے اتنا مسلہ نہیں ہوتا، کیونکہ یہ لوگ پہلے سے ہی کم خرچ پہ گزارہ کرنے کے عادی ہوتے ہیں۔ یہ بیمار ہو جائیں تو خود صحت یاب ہو جاتے ہیں، یہ بھوک کے عادی ہوتے ہیں۔ان کے پاس کوئی جمع شدہ بینک بیلنس بھی نہیں ہوتا۔ حاکمِ وقت ریاستِ پاکستان کو مدینہ کی ریاست بنانے جا رہے تھے اور اس مقصد کے حصول کے لئے وہ اور اُن کی پوری ٹیم بھرپور کوشش کر رہی ہے، ملک پاکستان میں انصاف کا بھر پور بھول بھالا ہو رہا ہے۔ بدعن
